काठमाडौँ – अन्तर्राष्ट्रिय नेपाली साहित्य समाज नेपाल च्याप्टरले आयोजना गरेको पुस्तक सार्वजनिक कार्यक्रममा साहित्यकार प्रा. डा. गणेश क्षेत्रीको कविता संग्रह ” मान्छेभित्रको मान्छे” को लोकार्पण गरिएको छ  | सो पुस्तक कार्यक्रमका प्रमुख अतिथि नेपाल प्रज्ञा प्रतिष्ठानका कुलपति गङ्गाप्रसाद उप्रेतीले बिमोचन गर्नु भएको थियो |  

नेपाल बार एसोसिएसनको सभाकक्षमा आयोजित सो कार्यक्रम अन्तर्राष्ट्रिय नेपाली साहित्य समाजका वरिष्ठ उपाध्यक्ष तथा नेपाल च्याप्टरका अध्यक्ष साहित्यकार राधेश्याम लेकालीको अध्यक्ष्यतामा भएको थियो | विमोचित पुस्तकका बारे प्रा. डा. कुमार कोइराला बोल्नु भएको थियो | सो कार्यक्रममा विमोचित पुस्तकका स्रष्टा साहित्यकार प्रा. डा. गणेश क्षेत्रीलाई सम्मान पनि गरिएको थियो |