बुढानीलकण्ठ, काठमाडौं । बुढानीलकण्ठ युवा परिषद् वडा नं. ८ ले यस वर्षको नयाँ कार्यकाल (New Tenure) सम्बन्धी कार्यक्रम सफलतापूर्वक सम्पन्न गरेको छ। यससँगै नयाँ कार्यकाल सञ्चालन गर्ने बुढानीलकण्ठ नगरपालिकाका वडाहरूमध्ये वडा नं. ८ पहिलो वडा बनेको छ।

युवा नेतृत्व विकास, सामाजिक उत्तरदायित्व र युवा सशक्तीकरणलाई केन्द्रमा राख्दै आयोजना गरिएको कार्यक्रममा युवाहरूको सक्रिय सहभागिता रहेको थियो। नयाँ कार्यकालसँगै परिषद्ले युवाको क्षमता विकास, सामाजिक सेवासँगै विभिन्न रचनात्मक तथा सिर्जनात्मक गतिविधिलाई थप प्रभावकारी रूपमा अघि बढाउने जनाएको छ।

परिषद्ले आगामी दिनमा युवालाई समाजसँग जोड्दै नेतृत्व विकासका अवसर सिर्जना गर्ने, सामाजिक उत्तरदायित्वप्रति जागरुक बनाउने तथा समुदायको विकासमा युवाको भूमिकालाई थप सशक्त बनाउने प्रतिबद्धता व्यक्त गरेको छ।

वडा नं. ८ ले नयाँ कार्यकाल सञ्चालनमा अग्रणी भूमिका निर्वाह गर्दै अन्य वडाका युवा परिषद्का लागि समेत सकारात्मक सन्देश दिएको छ।

बुढानीलकण्ठ युवा परिषद् वडा नं. ८ को मूल भावना नै “युवा नेतृत्व, समृद्ध समाज” रहेको परिषद्ले जनाएको छ।