काठमाडौं । नेपाली सांगीतिक क्षेत्रमा देशभक्तिको ज्वारभाटा उर्लिरहेका बेला नयाँ स्वदेशगान “म झुक्न दिन्न मेरो देशको झण्डा” सार्वजनिक भएसँगै एक युवा व्यक्तित्व विशेष चर्चामा आएका छन् — युवा व्यवसायी तथा समाजसेवी सैलेश ठकुरी।

Active Entertainment को प्रस्तुतिमा प्रजातन्त्र दिवस (फागुन ७) को अवसर पारेर सार्वजनिक गरिएको उक्त गीतले राष्ट्रिय स्वाभिमानको सशक्त उद्घोष गरेको छ। तर यसपटक चर्चाको केन्द्रमा केवल गीत मात्र होइन, गीतमार्फत आफ्नो राष्ट्रप्रेमलाई कलात्मक अभिव्यक्ति दिएका सैलेश ठकुरी पनि रहेका छन्।

म्युजिक भिडियोमा सैलेश ठकुरीको उपस्थितिले दर्शकको ध्यान तानेको छ। व्यवसायिक क्षेत्रमा स्थापित पहिचान बनाइसकेका ठकुरीले समाजसेवामा पनि सक्रिय भूमिका निभाउँदै आएका छन्। अब भने उनी कला माध्यममार्फत राष्ट्रप्रतिको समर्पण अभिव्यक्त गर्न अग्रसर देखिएका छन्।

देशको झण्डालाई सम्मान र अस्मिताको प्रतीकका रूपमा उभ्याउने गीत म झुक्न दिन्न मेरो देशको झण्डा मा ठकुरीको अभिनय स्वाभाविक, ओजपूर्ण र भावनात्मक देखिन्छ। उनको अनुहारमा देखिएको दृढता र अभिव्यक्तिमा झल्किएको आत्मविश्वासले “झुक्न नदिने” अठोटलाई जीवन्त बनाएको छ।

सैलेश ठकुरी केवल व्यवसायी मात्र होइनन्, सामाजिक अभियन्ताका रूपमा पनि परिचित नाम हुन्। विभिन्न सामाजिक अभियान, युवामुखी कार्यक्रम र सहयोगी गतिविधिमा उनको सक्रियता रहँदै आएको छ। अब सांगीतिक क्षेत्रमा देशभक्तिको गीतमार्फत देखिएको उनको सहभागिताले बहुआयामिक व्यक्तित्वको झलक दिएको छ।

सांगीतिक वृत्तमा चर्चा चल्न थालेको छ — “के सैलेश ठकुरी अब सामाजिक क्षेत्रसँगै कला क्षेत्रमा पनि प्रभावशाली उपस्थिति जनाउने तयारीमा छन्?”

गीतमा स्वर दिएका छन् रुपक डोटेल र मेनुका राई ले। शब्द रचना गरेका छन् डि.बि. पराजुली ले। भिडियो निर्देशन सम्हालेका छन् दिपेश एस.के. ले।

यस सशक्त टिमसँगै सैलेश ठकुरीको प्रस्तुति थप आकर्षण बनेको छ। प्रजातन्त्र दिवसको सन्दर्भमा सार्वजनिक गरिएको यस गीतले राष्ट्रिय एकता, स्वाभिमान र बलिदानको स्मरण गराउँदै नयाँ पुस्तामा सकारात्मक सन्देश प्रवाह गरेको छ।

सामान्यतया व्यवसायीहरू पर्दा पछाडि सीमित रहने गर्छन्। तर सैलेश ठकुरीले राष्ट्रप्रेमको भावनालाई प्रत्यक्ष अभिव्यक्त गर्दै म्युजिक भिडियोमार्फत सशक्त उपस्थिति जनाउनु आफैंमा चर्चा र चासोको विषय बनेको छ।

युट्युबमार्फत सार्वजनिक भइसकेको उक्त गीतले छोटो समयमै राम्रो प्रतिक्रिया पाइरहेको छ। दर्शकहरूले सैलेश ठकुरीको भूमिकालाई “प्रेरणादायी” र “साहसी कदम” का रूपमा टिप्पणी गरिरहेका छन्।

देशभक्तिको भावना, सामाजिक सक्रियता र कलात्मक अभिव्यक्तिको संगम बनेको यस प्रस्तुतिले सैलेश ठकुरीलाई नयाँ पहिचानको उचाइमा पुर्‍याउने संकेत देखिएको छ।

समयले जवाफ दिनेछ, तर अहिले भने उनको देशप्रतिको समर्पणले चर्चा पाएको छ र सांगीतिक वृत्तमा उनको नाम विशेष रूपमा गुन्जिन थालेको छ।