अल्जाइमरका बिरामी रामशरण, मृत्यु भइसकेका पोष्टबहादुर : यी हुन् पोखरा विमानस्थल भ्रष्टाचारका ५५ प्रतिवादी

rastriyakhabar
२४ मंसिर २०८२, मंगलवार ०५:५२

पोखरा अन्तर्राष्ट्रिय विमानस्थल भ्रष्टाचार काण्डमा ५५ जनाविरुद्ध अहिलेसम्मकै ठूलो मुद्दा

काठमाडौँ । पोखरा अन्तर्राष्ट्रिय विमानस्थल निर्माणमा व्यापक अनियमितता र भ्रष्टाचार भएको निष्कर्षसहित अख्तियार दुरुपयोग अनुसन्धान आयोगले आइतबार ५५ जनाविरुद्ध अहिलेसम्मकै ठूलो भ्रष्टाचार मुद्दा दायर गरेको छ।

यस प्रकरणमा पूर्वअर्थमन्त्री डा. रामशरण महत, पूर्वपर्यटनमन्त्रीहरू भीम आचार्य, दीपक अमात्य, रामकुमार श्रेष्ठ, दिवंगत मन्त्री पोष्टबहादुर बोगटी, नेपाल नागरिक उड्डयन प्राधिकरणका निलम्बित महानिर्देशक प्रदीप अधिकारीलगायत उच्च तहका व्यक्तिहरू प्रतिवादी बनाइएका छन्।

आयोगले प्रतिवादीहरूबाट ८ अर्ब ३६ करोड ७३ लाख ५५ हजार २९७ रुपैयाँ ५० पैसा बिगो दाबी गरेको छ। दिवंगत पोष्टबहादुर बोगटी र ध्रुवदास भोछिभोयाको निधन भएकाले उनीहरूको नाममा उहाहरूका हकवालाहरूलाई प्रतिवादी बनाइएको छ।

डा. रामशरण महतको अवस्थाबारे विशेष उल्लेख

मुद्दा लागेकामध्ये नेपाली कांग्रेसका वरिष्ठ नेता तथा पूर्वअर्थमन्त्री डा. रामशरण महत केही वर्षदेखि अल्जाइमरको गम्भीर समस्याबाट पीडित छन्। उनी पछिल्लो चार वर्षयता कुनै सार्वजनिक कार्यक्रममा सक्रिय देखिएका छैनन्।

७५ वर्षीय महत २०५१ सालमा पहिलो पटक अर्थमन्त्री बनेका थिए र ६ पटक अर्थमन्त्री तथा एक पटक परराष्ट्रमन्त्री बनेर देशको आर्थिक उदारीकरण र सुधारका लागि महत्त्वपूर्ण भूमिका खेलेका नेताका रूपमा परिचित छन्।

हाल उनी काठमाडौंको मन्डिखाटारस्थित निवासमा उपचाररत छन्।

पोष्टबहादुर बोगटीको मृत्युपछि श्रीमती प्रतिवादी

माओवादी केन्द्रका नेता तथा पूर्वमन्त्री पोष्टबहादुर बोगटीको मृत्यु भइसकेकाले आयोगले श्रीमती राममाया बोगटीलाई यस प्रकरणमा प्रतिवादी बनाएको छ।

यी हुन् ५५ जना प्रतिवादी

अख्तियारले दायर गरेको मुद्दामा समावेश प्रतिवादीहरूको पूर्ण सूची तल जस्ताको तस्तै प्रस्तुत छ—

यी हुन् ५५ प्रतिवादी

१. रामकुमार श्रेष्ठ

संस्कृति, पर्यटन तथा नागरिक उड्डयन मन्त्रालयका तत्कालीन मन्त्री तथा नेपाल नागरिक उड्डयन प्राधिकरण सञ्चालक समितिका अध्यक्ष

२. भीमप्रसाद आचार्य

३. दीपकचन्द्र अमात्य

४. डा. रामशरण महत

तत्कालीन अर्थमन्त्री

५. सुशील घिमिरे

तत्कालीन सचिव, संस्कृति, पर्यटन तथा नागरिक उड्डयन मन्त्रालय

६. सुरेशमान श्रेष्ठ

तत्कालीन सचिव, संस्कृति, पर्यटन तथा नागरिक उड्डयन मन्त्रालय

७. सुमनप्रसाद शर्मा

तत्कालीन सचिव, अर्थ मन्त्रालय

८. भेषराज शर्मा

तत्कालीन सचिव, कानुन, न्याय, संविधानसभा तथा संसदीय मामिला मन्त्रालय

९. रञ्जनकृष्ण अर्याल

तत्कालीन सहसचिव, संस्कृति, पर्यटन तथा नागरिक उड्डयन मन्त्रालय

१०. मोहनकृष्ण सापकोटा

तत्कालीन सह–सचिव, संस्कृति, पर्यटन तथा नागरिक उड्डयन मन्त्रालय

११. लोकबहादुर खत्री

अर्थ मन्त्रालयका तत्कालीन सह–सचिव तथा प्राधिकरण सञ्चालक समितिका सदस्य

१२. मनरूप शाही