जनकपुरधाम । मधेस प्रदेश मा मन्त्रिपरिषद् विस्तार गरिएको छ। मंगलबार आयोजित विशेष समारोहमा प्रदेश प्रमुख सुरेन्द्र लाभ कर्ण ले नवनियुक्त मन्त्रीहरूलाई पद तथा गोपनीयताको शपथ ग्रहण गराएका हुन्।

सरकारमा सहभागी दलहरूबीच भएको आन्तरिक सहमति तथा भागबण्डापछि मुख्यमन्त्रीको सिफारिसमा प्रदेश प्रमुख कर्णले मन्त्रीहरूको नियुक्ति र कार्यविभाजन गरेका हुन्। नयाँ समीकरणअनुसार मन्त्रिपरिषद्मा नेकपा एमालेबाट चार जना तथा नेपाली कांग्रेस र नेपाल कम्युनिस्ट पार्टीबाट एक/एक जना मन्त्री सहभागी भएका छन्।

कार्यविभाजनअनुसार युवराज भट्टराईलाई अर्थ मन्त्रालयको जिम्मेवारी दिइएको छ भने लखनदास तत्मालाई खेलकुद तथा समाज कल्याण मन्त्रालयको जिम्मेवारी सुम्पिएको छ।

त्यस्तै, शारदादेवी थापाले श्रम तथा यातायात मन्त्रालयको जिम्मेवारी पाएकी छन् भने नागेन्द्र शाहलाई स्वास्थ्य तथा जनसङ्ख्या मन्त्रालयको जिम्मेवारी दिइएको छ। मनोज कुमार सिंहलाई श्रम तथा संस्कृति मन्त्रालयको जिम्मेवारी तोकिएको छ।

यसअघि विना विभागीय मन्त्रीका रूपमा रहेका मोहम्मद समीर लाई भौतिक पूर्वाधार मन्त्रालयको जिम्मेवारी दिइएको प्रदेश प्रमुखको कार्यालयले जनाएको छ।