काठमाडौं । ICC Cricket World Cup League 2 अन्तर्गत सोमबार भएको खेलमा Nepal national cricket team ले शीर्ष स्थानको Scotland national cricket team लाई ६ विकेटले पराजित गरेको छ । जारी शृंखलामा नेपालको यो दोस्रो जित हो ।

Tribhuvan University Cricket Ground मा स्कटल्यान्डले दिएको १९५ रनको लक्ष्य नेपालले ३८.१ ओभरमा ४ विकेट गुमाएर पूरा गर्‍यो ।

नेपालको जितमा कप्तान रोहित पौडेल ले उत्कृष्ट कप्तानी इनिङ खेले । उनले ९८ बलमा ५ चौका र २ छक्का प्रहार गर्दै अविजित ७४ रन बनाए । चौथो विकेटका लागि इशान पाण्डे सँग शतकीय साझेदारी गर्दै रोहितले नेपालको इनिङ सम्हालेका थिए ।

इशान पाण्डेले ६१ बलमा ५ चौका र २ छक्कासहित ५५ रनको महत्वपूर्ण योगदान दिए । त्यसअघि ओपनर कुशल भुर्तेल र आसिफ शेख ले पहिलो विकेटका लागि ५८ रनको साझेदारी गर्दै नेपाललाई बलियो सुरुवात दिलाएका थिए । कुशलले २८ तथा आसिफले २९ रन बनाए ।

उपकप्तान दीपेन्द्रसिंह ऐरी २ रनमा आउट हुँदा आरिफ शेख ८ रनमा अविजित रहे । स्कटल्यान्डका लागि मार्क वाट ले २ तथा ब्रेन्डन म्याकमुलेन ले १ विकेट लिए ।

ललित र सन्दीपको घातक बलिङ

यसअघि टस जितेर पहिले ब्याटिङ गरेको स्कटल्यान्ड ३९.१ ओभरमा १९४ रनमा अलआउट भएको थियो । स्कटल्यान्डका लागि ब्रेन्डन म्याकमुलेनले ४४ बलमा ६ चौका र ६ छक्कासहित सर्वाधिक ७३ रन बनाए ।

माइकल इंग्लिस ले ५१ रनको अर्धशतकीय इनिङ खेले भने जर्ज मुन्से ले २१ र मार्क वाटले २० रन जोडे ।

नेपालका स्पिनर ललित राजवंशी घातक साबित भए । उनले ८ ओभरमा ३२ रन खर्चेर ४ विकेट लिए । लामो समयपछि विकेटविहीन यात्रा टुङ्ग्याउँदै ललितले नेपालको बलिङ आक्रमणको नेतृत्व गरे ।

सन्दीप लामिछाने ले १० ओभरमा ४७ रन खर्चेर ३ विकेट लिए । यस क्रममा उनले एकदिवसीय अन्तर्राष्ट्रिय क्रिकेटमा सबैभन्दा छिटो १५० विकेट पूरा गर्ने विश्व कीर्तिमान कायम गरे । सन्दीपले केवल ७३ खेलमा यो उपलब्धि हासिल गर्दै मिचेल स्टार्क को ७७ खेलको पुरानो कीर्तिमान तोडेका हुन् ।

नेपालका लागि नन्दन यादव, सोमपाल कामी र दीपेन्द्रसिंह ऐरीले पनि १–१ विकेट लिए ।

अंकतालिकामा नेपालको फड्को

यो जितसँगै नेपाल २७ खेलबाट २२ अंक जोड्दै सातौँ स्थानबाट पाँचौँ स्थानमा उक्लिएको छ । समान २२ अंक भए पनि नेट रनरेटमा पछि पर्दै Namibia national cricket team छैटौँ स्थानमा झरेको छ ।

२४ खेलबाट २१ अंकसहित Canada national cricket team सातौँ तथा १४ अंकसहित United Arab Emirates national cricket team पुछारमा छन् ।

हारका बाबजुद स्कटल्यान्ड ३१ खेलबाट ३८ अंकसहित शीर्ष स्थानमै कायम छ । United States national cricket team ३६ अंकसहित दोस्रो, Oman national cricket team ३१ अंकसहित तेस्रो तथा Netherlands national cricket team २८ अंकसहित चौथो स्थानमा छन् ।

नेपालले अब त्रिकोणात्मक शृंखलाको अन्तिम खेल आगामी शुक्रबार अमेरिकासँग खेल्नेछ ।