rastriyakhabar
काठमाडौँ । गत फागुन २१ मा सम्पन्न प्रतिनिधिसभा निर्वाचनपछि पहिलो अधिवेशन आजदेखि सुरु हुँदैछ। सिंहदरबारस्थित निर्माणाधीन संघीय संसद् भवनको बहुद्देश्यीय कक्षमा दिउँसो २:०० बजे बैठक बस्ने तय भएको छ।
रामचन्द्र पौडेल ले संविधानअनुसार मन्त्रिपरिषद्को सिफारिसमा चैत १६ गते आजका लागि संघीय संसद्को दुवै सदनको अधिवेशन आह्वान गरेका थिए।
संसद् सचिवालयका प्रवक्ता एकराम गिरी का अनुसार बैठक सञ्चालनका लागि आवश्यक भौतिक, सुरक्षा, प्राविधिक तथा जनशक्तिसहित सम्पूर्ण तयारी पूरा भइसकेको छ। राष्ट्रिय सभाको बैठक भने संघीय संसद् सचिवालयस्थित कक्षमा बस्नेछ।
संवैधानिक व्यवस्था अनुसार निर्वाचनको अन्तिम परिणाम घोषणा भएको ३० दिनभित्र अधिवेशन आह्वान गर्नुपर्ने हुन्छ। निर्वाचन आयोग नेपाल ले चैत ५ गते निर्वाचन परिणामसहितको प्रतिवेदन राष्ट्रपतिसमक्ष बुझाएको थियो।
२७५ सदस्यीय प्रतिनिधिसभामा प्रमुख दलहरूको अवस्था यसप्रकार रहेको छ:
आजको बैठकमा गृहमन्त्री सुधन गुरुङ ले तीन अध्यादेश पेस गर्ने सम्भावित कार्यसूची छ:
बैठकको सुरुवातमा ज्येष्ठ सदस्य/सभामुख अर्जुननरसिंह केसी ले राष्ट्रपतिबाट प्राप्त अधिवेशन आह्वानसम्बन्धी पत्र तथा मन्त्रिपरिषद् गठनसम्बन्धी विवरण पढेर सुनाउनेछन्।
साथै, प्रतिनिधिसभाको नियमावली लागू गर्ने प्रस्ताव प्रस्तुत गरिने र सभामुखको निर्वाचनका लागि मिति तय गरिनेछ।
बैठकमा दलीय आधारमा सदस्यहरूले मन्तव्य राख्ने कार्यक्रम पनि रहेको छ।
बैठकको अन्त्यमा सभामुखले संविधानसभा तथा पूर्वसांसदहरू ऋषिकेश गौतम, मोहम्मद आफताव आलम, आमोदप्रसाद उपाध्याय, होमनाथ दाहाल र बलदेव बोहोरा प्रति श्रद्धाञ्जली अर्पण गर्दै शोक प्रस्ताव प्रस्तुत गर्नेछन्।
यससँगै नयाँ प्रतिनिधिसभाको औपचारिक संसदीय यात्रा सुरु हुँदैछ।
प्रतिक्रिया