काठमाडौँ । दसैँ तथा तिहारलाई लक्षित गर्दै हुम्लाको हिमाली भेगमा हुर्किएका रैथाने च्याङ्ग्राको मासु अब काठमाडौँको बालुवाटारमा उपलब्ध हुने भएको छ। हिमाली क्षेत्रबाट ल्याइने च्याङ्ग्राको स्वाद लिन चाहने उपभोक्तालाई लक्षित गर्दै बिक्री तथा अर्डरको व्यवस्था मिलाइएको हो।

हुम्लाको चिसो हिमाली वातावरणमा हुर्किएका च्याङ्ग्रा प्राकृतिक चरनमा निर्भर रहने भएकाले तिनको मासु स्वादिलो मानिन्छ। चाडपर्वका बेला च्याङ्ग्राको मासु खाने परम्परालाई ध्यानमा राख्दै बालुवाटारबाट उपभोक्तासम्म ताजा मासु पुर्‍याउने तयारी गरिएको हो।

यस पहलका बारेमा जानकारी दिँदै शान्त शर्माले दसैँ–तिहारमा उपभोक्ताले सहज रूपमा हिमाली च्याङ्ग्राको स्वाद लिन सकून् भन्ने उद्देश्यले बिक्री केन्द्रको व्यवस्था गरिएको बताए।

“हुम्लाको हिमाली वातावरणमा हुर्किएका च्याङ्ग्राको मासु स्वादका दृष्टिले विशेष मानिन्छ। चाडपर्वमा ग्राहकले गुणस्तरीय च्याङ्ग्राको मासु सहजै प्राप्त गर्न सकून् भन्ने हाम्रो उद्देश्य हो। सीमित मात्रामा उपलब्ध हुने भएकाले इच्छुक ग्राहकलाई समयमै सम्पर्क गरेर अर्डर गर्न आग्रह गर्दछौँ”, शर्माले भने।

दसैँ–तिहारमा परिवार तथा आफन्तसँग बसेर विशेष परिकार खाने चलनसँगै भेडा–च्याङ्ग्राको मासुको माग बढ्ने गरेको छ। यसैलाई ध्यानमा राखेर काठमाडौँमै हुम्लाको हिमाली च्याङ्ग्राको मासु उपलब्ध गराउने व्यवस्था गरिएको जनाइएको छ।

उपभोक्ताले बालुवाटारस्थित बिक्री केन्द्रमा सम्पर्क गरी च्याङ्ग्राको मासु तथा अर्डरसम्बन्धी जानकारी लिन सक्नेछन्।

सम्पर्क तथा अर्डर:
स्थान : बालुवाटार, काठमाडौँ
सम्पर्क नम्बर : ९८६०३१११८०
विशेषता : हुम्लाको रैथाने हिमाली च्याङ्ग्राको ताजा मासु