काठमाडौँ । काठमाडौंको बौद्ध क्षेत्रमा पर्ने नयाँबस्ती, जम्बुडाँडा र जोरपाटीस्थित नारायणटामार सञ्चालित होटल रेष्टुरेण्टमा प्रहरीले छापा मारेको छ ।

शनिवार ‘सरप्राईज चेकिङ’ गर्दा बौद्ध क्षेत्रका होटल रेष्टुरेण्टमा अवैध यौनजन्य गतिविधी हुने गरेको फेला परेको छ ।

महानगरीय प्रहरी वृत बौद्धबाट चेकिङका खटिएको प्रहरी टोलीले अवैध यौन क्रियाकलापमा संलग्न १८ युवती सहित २७ जनालाई पक्राउ गरेको हो ।

‘अवैध यौनिक गतिविधी गराउने ४ जना होटल सञ्चालहरुलाई पनि नियन्त्रणमा लिएका छौं’ महानगरीय प्रहरी वृत बौद्धका प्रमुख (डिएसपी) नरेन्द्र चन्दले भने, ‘जम्बुडाँडा, नयाँबस्ती र नारायणटार एरियाका विभिन्न ६ ओटा होटलहरुले ब्यवसायीक रुपमा अवैध यौनधन्दा सञ्चालन गरेको भेटियो ।’