हत्यारा पत्ता लगाउन नसकेपछि महेन्द्रनगरमा फेरि पुनः अन्दोलन शुरु …

कञ्चनपुर । साउन १० गते साथी रोशनीको घरमा होमवर्क गर्न गएकी १३ वर्षीया निर्मला पन्तको अर्को दिन भीमदत्त नगरपालिका २ र १८ को सीमामा पर्ने निम्बुखेडा खोला नजिकैको उखुबारीमा शव भेटिएको थियो । हत्या भएको दुई महिना पुग्न लाग्दा पनि हत्यारा पत्ता लगाउन नसकेपछि पुनः अन्दोलन शुरु भएको छ । उच्चस्तरीय छानबिन समितिले पनि तोकिएको म्यादसम्म वास्ताविक हत्यारालाई सार्वजनिक गर्न नसकेपछि पुन: आन्दोल शुरु भएको हो । महिला अधिकारकर्मी, स्थानीय र नेविसंघले विहीबारबाट वास्ताविक हत्याराको सार्वजनिक गर्न माग राख्दै अन्दोनल शुरु गरेका छन् । सत्यतथ्य बाहिर नल्याउनु र अहिलेसम्म हत्यारा सार्वजनिक हुन नसकेपछि पुनः दबावमुलक आन्दोलन शुरु गरेका छन् ।

उनीहरुले बजार क्षेत्रमा प्रदर्शन गर्दै केहीबेर जिल्ला प्रशासन कार्यालय र जिल्ला प्रहरी कार्यालय अगाडि धर्नासमेत दिए । उच्चस्तरीय छानबिन समितिलाई काम गर्न दिने भन्दै यसअघि आन्दोलन रोकिएको थियो ।आन्दोलनकारीहरुले सरकारले तत्काल निर्मला पन्तको हत्यारा पत्ता लगाइ कारबाही गर्नुपर्ने, दिलीपसिंह विष्टलाई फसाउन खोज्ने अनुसन्धान अधिकृत र आन्दोलनका क्रममा गोली हान्ने प्रहरीलाई बर्खास्त गर्नुपर्ने लगायतका माग अघि सारेका छन् । कञ्चनपुरबासीले आन्दोलन गरेपछि छानबिन समिति त बनेको छ तर, हत्यामा संलग्नहरुको अत्तोपत्तो छैन । हत्यामा संलग्नहरुलाई पक्राउ गरी कारबाहीको माग गर्दै पन्तका बाबु यज्ञराज र आमा दुर्गादेवी केही दिनदेखि काठमाडौंमा छन् ।

 

शुक्रबार, भदौ २९, २०७५ मा प्रकाशित

तपाईको प्रतिक्रिया

सम्बन्धित सामाग्री