काठमाडौं । भारतीय प्रधानमन्त्री नरेन्द्र मोदीको मे ११ मा हुने भनिएको नेपाल भ्रमणले प्रधानमन्त्री केपी शर्मा ओलीलाई अप्ठ्यारोमा पारेको छ ।

प्रधानमन्त्री ओली जब चीन जाने मनस्थिति बनाएर त्यसको तयारीमा लाग्छन् तब भारतीय प्रधानमन्त्री मोदीले यस्तै एकतर्फी निर्णय गरेर उनलाई अप्ठ्यारोमा पार्ने गरेका छन् ।

चीनमा सम्पन्न बोआओ सम्मेलनमा नेपालका तर्फबाट भाग लिन जाने तयारीमा जुटेका प्रधानमन्त्री ओलीलाई रोक्न भारतले नेपाललाई जानकारी नै नदिई उनको भारत भ्रमणको मिति सार्वजनिक गरिदियो । पहिला अस्वीकार गरेको परराष्ट्र मन्त्रालयले पछि भारतीय मितिमै प्रधानमन्त्री ओलीको भ्रमणको कार्यतालिकामा बनायो ।

मोदी मे २१ मा नेपाल भ्रमण आउने
यस पटक पनि त्यस्तै भएको छ । प्रधानमन्त्री ओली चीनको भ्रमण गर्ने तयारी गरिरहेको बेला प्रधानमन्त्री मोदी नेपाल भ्रमणमा आउने तयारी भारतीय मिडिया मार्फत सार्वजनिक गरिाएको छ । हुन त भारतका सरकारी अधिकारीहरूले यो कुरा सार्वजनिक नगरे पनि उनीहरूबाट नै सचेत तरिकाले यो सूचना मिडियामा चुहाइएको मानिएको छ ।

हुन त प्रधानमन्त्री ओलीले दिल्ली भ्रमणका बेला मोदीलाई नेपाल भ्रमणको निमन्त्रणा दिएका थिए, तर त्यो निमन्त्रणालाई स्वीकार गर्दै यति छिट्टो आउनेछन् भन्ने कल्पना पनि गरेका थिएन ।

परराष्ट्रमन्त्री प्रदीप ज्ञवाली प्रधानमन्त्री ओलीको भ्रमणको तयारीका लागि चीन गएका थिए । उनी पाँच दिनपछि नेपाल फकिएको दिन नै भारतले प्रधानमन्त्री मोदीको नेपाल भ्रमणको चर्चा ल्याएको हो ।
अब ओली चीन जाने कि मोदीलाई स्वागत गर्ने भन्नेमा अन्योल देखिएको छ ।

जनकपुर भ्रमणको तयारीमा मोदी, सुरु भयो दूतावासको दौडधूप
चीनबाट फर्केका परराष्ट्रमन्त्री ज्ञवालीले भने, ‘भारतीय प्रधानमन्त्री नरेन्द्र मोदी नेपाल आउने र हाम्रा प्रधानमन्त्री ओलीज्यू चीन जानेमध्ये कुनैको मिति तय भएको छैन । कुन पहिला गर्ने, त्यस बारेमा हामीले छलफल गरिरहेका छौं । छलफल भएपछि तपाईंहरूलाई जानकारी गराइन्छ ।’

भारतीय प्रधानमन्त्री मोदी नेपाल भ्रमणमा आउने कुरा जानकारीमा आएको बताउँदै उनले भ्रमणको मितिको बारेमा छलफल भइरहेको बताए ।

यसअघि पनि भारत भ्रमणको मिति तय गर्दा नेपाललाई कुनै जानकारी गराइएको थिएन । एकाएक भ्रमणको मिति तोकेपछि विनातयारी प्रधानमन्त्री ओली दिल्ली पुगेका थिए ।

यस पटक पनि त्यस्तै भयो । नेपाललाई कुनै जानकारी नै नदिई मोदी मे ११ मा नेपाल भ्रमणमा आउने सार्वजनिक भएको छ । यो समाचार दिल्लीबाट प्रकाशित एक अग्रजी दैनिकमा पहिलोपटक छापियो ।
यद्यपि चिनियाँ पक्ष पनि भारतीय प्रधानमन्त्री मोदी नेपाल भ्रमणमा आउनुभन्दा पहिले ओलीलाई चीनको भ्रमण गराउन चाहेको छ ।

चिनियाँ राष्ट्रपति सी जिङपिङलाई नेपाल भ्रमण गराउने नेपालले तयारी गरिरहेको थियो । तर, चीनले पहिला नेपालका तर्फबाट भ्रमण होस् भन्ने चाहेको छ ।

प्रदीप ज्ञवालीका दुःख स् कहिले दक्षिणको दौड, कहिले उत्तरको यात्रा
त्यसका लागि चिनियाँपक्षले मन्त्री ज्ञवालीसँग कुराकानी गरेर पठाएका छन् । नेपाल आएर प्रधानमन्त्री ओलीको चीन भ्रमणको मिति तय गर्ने सोच बनाएका थिए तर भारतले अचानक मिति नै तय गरिसकेपछि प्रधानमन्त्री ओली अप्ठ्यारोमा परेका छन् ।

अहिले प्रधानमन्त्री मोदीको नेपाल भ्रमणको तयारीमा नेपाली पक्ष हतार हतार जुटेको छ । यति छोटो समयमा त्यसको तयारी कसरी गर्ने भन्नेमा परराष्ट्र मन्त्रालय अन्योलमा देखिएको छ ।

भारतीय प्रधानमन्त्री नरेन्द्र मोदी नेपाल आउने भएपछि सरकार त्यसको तयारीमा जुटेको छ । तर परराष्ट्र मन्त्रालयका प्रवक्ता भरतराज पौड्यालले त्यसबारेमा कुनै जानकारी नभएको बताए ।

उनले भने, ‘प्रधानमन्त्री नरेन्द्र मोदी नेपाल भ्रमणमा आउने कुरा मिडियाबाट जानकारी पाएको छु, तर त्यसबारेमा मलाई आधिकारिक जानकारी आएको छैन ।’

चीनबाट के सन्देश लिएर आए परराष्ट्रमन्त्री ज्ञवाली रु
भारतीय प्रधानमन्त्री मोदी नेपाल भ्रमणमा जाने चासो देखाएपछि दिल्लीमै स्विच थिचेर गर्ने भनिएको अरुण तेस्रो जलविद्युत आयोजना मोदी आफैले शिलान्याश गर्ने बताइएको छ ।

तीन वर्षअघि नेपाल भ्रमणमा आएको बेला सो जलविद्युत निर्माणको सम्झौता गर्ने भनी भारतका तर्फबाट उनले हस्ताक्षर गरेका थिए ।

उक्त आयोजना निर्माणका लागि नेपाल भ्रमणमा रहेको बेला शिलान्याश गर्ने बताइएको छ ।

त्यसका लागि गोप्य अध्ययनका लागि एउटा टोली नेपाल पठाइसकेको छ ।

साथै, प्रधानमन्त्री मोदीले यस पटक जनकपुर र मुक्तिनाथको पनि दर्शन गर्ने योजना रहेको छ । पशुपति, जनकपुर र मुक्तिनाथ जाने भएपछि त्यहाँको पनि तयारीमा जुटेको स्रोतले जनाएको छ ।