काठमाडौं ।  सरकारले ३१ बाट घटाएर १७ वटा मन्त्रालय कायम गर्ने निर्णय गरेसँगै हाल कायम रहेका ६७ जना सचिवहरुलाई व्यवस्थापन गर्न कठिन हुने भएको छ ।

सरकारले शुक्रबार मात्रै प्रधानमन्त्रीको कार्यलयसहित १८ वटा मन्त्रालय कायम गर्ने निर्णय गरेको हो ।

हालसम्म प्रधानमन्त्रीको कार्यलयसहित ३१ वटा मन्त्रालय रहेका छन् । जसमा ६७ जना नेपाल सरकारका सचिवहरु कार्यरत छन् ।

सिधा हिसावमा नयाँ संरचना अनुसार अव १७ मन्त्रालय, सात प्रदेश र संविधान अनुसार गठन हुने ६ वटा आयोगमा विशिष्ठ श्रेणिका कर्मचारी व्यवस्थापन हुनेछन् । त्यो बाहेककालाई भने सरकारले दरवन्दी मिलन गर्नुपर्ने देखिएको छ । अहिले सरकारले अर्थमन्त्रालयमा २ जना सचिव राख्ने व्यवस्था गरेको छ । बाँकीमा एकएक जना नै रहने व्यवस्था छ ।

पहिला ५ वटा क्षेत्रीय प्रशासन कार्यलयमा सचिवलाई नै क्षेत्रिय प्रशासक बनाएर पठाइने गरेको थियो ।

अब प्रदेश संरचनामा गएपछि क्षेत्रीय प्रशासक स्वत खारेज भएको छ भने सातैवटा प्रदेशमा प्रदेश सचिवका रुपमा खटाइसकेको समान्य प्रशासनले जनाएको छ ।