काठमाडौं । प्रहरीको केन्द्रीय अनुसन्धान व्युरोले बैंकिङ कसुर गरी नेपाल बैंक लिमिटेडको धरान शाखालाई १५ करोड ५१ लाख रुपैयाँभन्दा धेरै नोक्सान पुर्याएको आरोपमा ११ जनालाई पक्राउ गरेको छ ।
नक्कलीदेखि कम तौलका सुन बैंकमा धितो राखी ऋण लिएर ठगेको बैंकले पत्ता लगाएपछि उनीहरु पक्राउ परेका हुन् ।
पक्राउ पर्नेमा त्रानेन्द्र पुरकुटी, सन्जित रसाइली, माधव रिसाल, सन्तोष रसाइली, सुनील विक, लालबहादुर विक, नेपाल बैंक लिमिटेडका निलम्बित खचान्जी होमबहादुर भट्टराई, तत्कालिन सहायक प्रबन्धकद्धय रामकिशोर मेहता र शंकर न्यौपाने, कर्मचारी सानुबाबु श्रेष्ठ र विराटनगर शाखाका प्रबन्धक पुष्पराज घिमिरे छन् ।
प्रतिक्रिया