काठमाडौं,१३ चैत्र । काठमाडौंको गोंगुबको चोकस्थित एक होटलमा आगलागी भएको छ । पाथिभरा रोधीघर रहेको गेष्ट हाउस भवनमा आगलागी भएको हो ।
गोंगबुको बसपार्कको गेटअघि श्रेष्ठ बेकरी रहेको भवनको पहिलो र दोस्रो तल्लामा भीषण आगलागी भएको हो । आगो भुइँ तल्लाकै श्रेष्ठ बेकरी सपबाट सल्किएको प्रहरीको अनुमान छ । आगोबाट बेकरी सपका समानहरु जलेर नष्ट भएको छ । विद्युत सर्ट भएर आगो लागेको हुनसक्ने बताइएको छ ।
आगलागीबाट सो भवनमा रहेको एक जुत्ता पसलमा पनि क्षति पुगेको छ भने एउटा बुक सप ट्राभल एजेन्सीमा पनि सामान्य क्षति पुगेको छ ।
पाथिभरा रोधीघरमा पनि समान्य क्षति पुगेको प्रहरीले बताएको छ । आगो नियन्त्रणका लागि नेपाल प्रहरी र सशस्त्र प्रहरीको टोलीको साथमा काठमाडौं महानगरपालिकाको दमकल पनि परिचालन भएको छ । अहिले आगो नियन्त्रणमा आइसकेको छ ।
क्षतिको विवरणा भने संकलन गर्न बाँकी छ । आगलागीबाट लाखौंको क्षति पुगेको अनुमान छ ।
प्रतिक्रिया