imsrkfinal1

प्राविधिकतर्फको कक्षा ११ को नतिजा सार्वजनिक

भक्तपुर । राष्ट्रिय परीक्षा बोर्ड सानोठिमीले  प्राविधिकतर्फको कक्षा ११ को नतिजा सार्वजनिक गरेको छ । प्राविधिकतर्फ बोर्डले पहिलोपटक सार्वजनिक गरेको परीक्षाको नतिजामा कुल २१ दशमलव ५३ प्रतिशत विद्यार्थी उत्तीर्ण भएको बोर्डले जनाएको छ  ।

प्राविधिकतर्फ प्रवेशिका परिक्षा उत्तीर्ण गरेर कक्षा ११ को परीक्षामा सहभागी भएका कुल दुई हजार १७८ परीक्षार्थीमध्ये परीक्षामा ४६९ जना उत्तीर्ण भएका छन् ।

सरकारले नमुनाका रुपमा एक जिल्लामा एक प्राविधिक उमावि सञ्चालन गर्ने उद्देश्यले प्राविधिकतर्फ प्रवेशिका परिक्षा उत्तीर्ण भएका विद्यार्थीलाई कक्षा ११ मा प्राविधिक विषय अध्ययन गर्न अनुमति प्रदान गरेर अनुदानसमेत उपलब्ध गराएर कक्षा सञ्चालन गरेको थियो ।

त्यसैगरी केही वर्षअघि शैक्षिक जनशक्ति विकास केन्द्रले १० महिना तालिम लिएर लामो समय शिक्षण पेसामा रहेका शिक्षकका लागि सञ्चालित आंशिक परीक्षाको नतिजा पनि सार्वजनिक भएको छ ।

आंशिक परीक्षाका रुपमा अन्तिम मौकास्वरुप लिएको परीक्षामा दुई हजार ३३३ जना सहभागी भएकामध्ये ६८९ जना उत्तीर्ण भएका छन् ।

शुक्रबार, पुस २२, २०७३ मा प्रकाशित

सम्बन्धित सामाग्री