काठमाडौँ ,२१ मङ्सिर । राष्ट्रपति विद्यादेवी भण्डारीले चुनाव नभए देश अस्थिरता जाने दावी गरेकी छिन् । विरलै अन्तर्वार्ता दिने र राजनीतिक टीकाटिप्पणी नगर्ने राष्ट्रपति भण्डारीले सोमवार राष्ट्रपति कार्यालय शीतल निवासमा बीबीसी नेपाली सेवाकी रमा पराजुलीलाई दिएको अन्तर्वार्तामा चुनावको विकल्प नभएको बताइन् ।
‘चुनाव हुन्छ। त्यसको विकल्प छैन। त्यसले ठूलो राजनीतिक रिक्तता ल्याउँछ। र, झन् मुलुक अस्थिरतातर्फ जान्छ’, भण्डारीले भनिन्,‘ आमचुनाव र स्थानीय चुनाव गराउनुपर्छ।’
राष्ट्रपति भण्डारीले दह्रो खुट्टा टेकेर सरकार चुनावमा जानुपर्यो पर्ने बताइन् । ‘दह्रो खुट्टा टेकेर सरकार चुनावमा जानुपर्यो। सबैजना चुनावमा आउँछन्। सबैलाई कार्यकर्ता परिचालन गर्नुपरेको छ’, उनले भनिन् ।
राष्ट्रपतिले मधेश केन्द्रीत दल पनि चुनावमा आफुलाई विश्वास भएको बताइन् । ‘मलाई लाग्छ चुनाव नमान्ने कोही पनि छैन’, भण्डारीले भनिन्,‘ उनीहरुलाई झन् धेरै चुनावको आवश्यकता छ भन्ने म ठान्छु।’
प्रतिक्रिया