बिष्णु सापकोटा , बेल्जियम । नेपाल सरकार निर्वाचन आयोगको योजना अनुसार गैर आवासीय नेपालीहरुका लागि मताधिकार सम्भाव्यता अध्ययन सम्बन्धी व्यवस्था बमोजिम गठित प्रारम्भिक अध्ययन अन्तर्गत निर्वाचन आयूक्त “ईला शर्मा” संग एनआरएन ए बेल्जियमको आयोजनामा गैर आवासीय नेपाली हरुको नेपालमा मताधिकार सम्वधि बिषय एक अन्तरकृया कार्यक्रम गत बुधबारका दिन सम्पन्न गरेको छ ।  निर्वाचन आयोगले करिव पैतिस लाख नेपालीहरु बिदेशमा रहेका नेपालीहरुको मताधिकारलाई मध्यनजर गर्दै उनीहरुको पनि मतदाता नामावली लिस्टमा नाम संकलन गरी मतदानमा कसरी सहभागी गराउन सकिन्छ भन्ने प्रारम्भिक अध्ययन सुरु गरेको जानकारी गराईएको छ । यसलाई अध्ययन गर्न बनेको कार्य दलले यस पश्चात आफ्नो सुझाव निर्वाचन आयोग लाई बुझाउने कुरा आयोगकी अध्यक्ष शर्माले बताईन । नेपाल भन्दा बाहिर  देशमा बसोबास गरिरहेका नेपालीहरु बिशेष गरी मिडीलिष्ट तथा खाडी मुलुकमा साथै यूरोप, अमेरिकामा रहेका नेपाली हरुका बारेमा सुझाव संकलन गर्ने क्रम अगाडी बढेको बताईएको छ । यसै शिलशिलामा आयुक्त शर्माले कुनै पनि नेपाली नागरिक आफ्नो  मताधिकार बाट बन्चित हुन नपरोस भन्ने निर्वाचन आयोगको अभियान बारे अवगत गराउदै नामावली कसरी संकलन गर्ने, मतदान केन्द्र कसरी व्यवस्थित गर्ने र अन्तराष्ट्रीय स्तरमा कसरी यसको प्रयोग गर्न सकिन्छ भन्ने बारेमा सुझाव संकलन सहित सल्लाह मागेकी थिईन ।