दाङ, १२ असार, हामीले दैनिक चिसोको रुपमा खाने फ्रुटीमा मरेको झिङ्गा फेला परेको छ । दाङको मानपुर ७ हेमन्तापुरको एक होटेलमा बिक्री गरिएको फ्रुटी जुसमा झिङगा फेला परेको हो । जय अम्बे होटेल एण्ड नास्ता पसलमा स्थानीय रेशम बस्नेतले किनेर खाइ रहेको समयमा सडेको झिङ्गा फेला पारेपछि इलाका प्रशासनलाई जानकारी गराइएको थियो ।

उक्त फ्रुटीलाई अनुसन्धानका लागि खाद्य प्रविधि तथा गुण नियन्त्रण जिल्ला शाखामा पठाइएको छ । ३० रुपैयाँ पर्ने २५० मिली लिटरको जुसको बोतलमा झिङ्गा भेटिएपछि विभागमा जाँच गरी आएको रिपोर्टका आधारमा कारवाही प्रक्रिया अगाडि बढाइने इलाका प्रशासन कार्यालय तुलसीपुरका प्रमुख यज्ञबहादुर बुढाले जानकारी दिनुभयो ।