सुर्खेत – सरकारले आजबाट कर्णाली प्रदेशको राजधानी सुर्खेतबाट पनि श्रम स्वीकृती सेवा प्रदान गर्ने भएको छ ।
कर्णाली प्रदेशको श्रम तथा रोजगार कार्यालयबाट पुन:श्रम स्वीकृतिको सेवा प्रदान गरिने श्रम, रोजगार तथा सामजिक सुरक्षा मन्त्रालयले जनाएको छ । श्रम कार्यालयबाट प्रारम्भिक चरणमा पुन: श्रम स्वीकृती प्रदान गर्ने, वैदेशिक रोजगारीसम्बन्धी अनुमति पाएका संस्था, तालीम एवं अभिमुखीकरण संस्थाको अनुगमन तथा नियमन गरिने बताइएको छ ।
वैदेशिक रोजगारीको सूचना तथा जानकारी सम्प्रेषण गर्ने एवं गुनासो सुनुवाइ गरी सेवा प्रवाहलाई सहजीकरण गर्ने लगायत कार्य ती कार्यालयबाटै सम्पादन हुने श्रम, रोजगार तथा सामाजिक सुरक्षा मन्त्रालयले जनाएको छ ।
मन्त्रालयले पहिलो चरणमा गत पुस १५ गतेदेखि प्रदेश २ को श्रम तथा रोजगार कार्यालय जनकपुर र प्रदेश ५ को बुटवलबाट र गत पुस २५ गतेदेखि गण्डकी प्रदेशको श्रम तथा रोजगार कार्यालयबाट पनि श्रम स्वीकृती लगायतका सेवा प्रदान गर्न सुरु गरेको थियो ।
प्रतिक्रिया